The news is by your side.

Advertisement

غزہ:اسرائیلی 2فضائی حملے، فلسطینی گھر مسمار

فلسطین میں اسرائیلی بربریت اور گھروں کو مسمار کرنے کے خلاف اقوام متحدہ نے مذمت کی، غزہ کی پٹی میں اسرائیلی طیاروں کی بمباری سے متعدد افراد زخمی ہوگئے۔

اسرائیل کی جانب سے غزہ کی پٹی میں فلسطینی گھروں کو مسمار کرنے پر اقوام متحدہ کے انسانی حقوق کمیشن نے فوری طور پر کاروائی روکنے پر زور دیا۔

اسرائیل کی حالیہ کاروائی میں اڑسٹھ افراد متاثر ہوئے، جس میں بتیس بچے شامل ہیں، رواں سال ایک ہزار سے زائد افراد اسرائیلی کاروائی سے بے گھر ہوئے۔

غیر ملکی خبر ایجنسی کے مطابق اسرائیلی طیاروں کی جانب سے غزہ کی پٹی میں دو فضائی حملے کیے گئے، فضائی حملے ایک اسرائیلی شہری کے ہلاک ہونے کے رد عمل میں کیے گئے، حکام کے مطابق فضائی حملے میں حماس کو نشانہ بنایا گیا ہے۔
   

Comments

comments

یہ بھی پڑھیں