The news is by your side.

Advertisement

غزہ:اسرائیل اور فلسطین کے درمیان طویل مدت کیلئے جنگ بندی شروع

غزہ : اسرائیل اور فلسطین کے درمیان طویل مدت کے لئے جنگ بندی شروع ہوگئی ہے، اقوام متحدہ کے سیکریٹری جنرل بان کی مون نے جنگ بندی کا خیرمقدم کیا ہے۔

غزہ میں سات ہفتوں سے جاری اسرائیلی جارحیت روکنے کے لئے اسرائیل اور فلسطین کے درمیان طویل مدتی جنگ بندی معاہدہ ہوگیا، جنگ بندی کا اعلان فلسطینی صدر محمود عباس نے اپنے خطا ب میں کیا۔

اسرائیلی حکام کے مطابق غزہ میں امداد اوردیگر ضروری اشیاء پہنچانے کے لیے اسرائیل غزہ کے محاصرہ میں نرمی کرے گا، مصر کی کوششوں سے ہونے والی جنگ بندی کے بعد اسرائیل اورفلسطینی حکام کے درمیان مذاکرات ایک مہینے کے دوران قاہرہ میں شروع کئے جائیں گے۔

امریکا کے محکمہ خارجہ کی جانب سے جاری بیان میں جنگ بندی کا خیرمقدم کرتے ہوئے ترجمان کا کہنا تھا کہ امریکا جنگ بندی کی مکمل حمایت کرتا ہے۔

آٹھ جولائی سے غزہ پراسرائیل کے سفاکانہ حملوں میں بائیس سوفلسطینی شہید اور دس ہزار سے زائد زخمی ہوئے۔ حماس کی جوابی کارروائیوں میں سڑسٹھ اسرائیلی فوجی ہلاک ہوئے۔

Print Friendly, PDF & Email

Comments

comments

یہ بھی پڑھیں