غزہ : اسرائیل کا تازہ حملہ،6 فلسطینی شہید -
The news is by your side.

Advertisement

غزہ : اسرائیل کا تازہ حملہ،6 فلسطینی شہید

غزہ : اسرائیل کے وحشیانہ حملے جاری ہیں، تازہ فضائی حملے میں ایک ہی خاندان کے چھ افراد شہید ہوگئے۔

نہتے فلسطینیوں پر اسرائیل کی جانب سے آگ و بارود برسانے کا سلسلہ شدت سے جاری ہے۔ اسرائیلی جنگی طیاروں کی وسطی غزہ میں ایک گھر پر بمباری کے نتیجے میں ایک ہی خاندان کے چھ افراد شہید ہوگئے۔

اسرائیل کے وزیراعظم نتن یاہو نے غزہ پر حملوں میں مزید تیزی لانے کا حکم دیا ہے۔

انہوں نے کہا کہ اسرائیلی افواج اور شن بیت سکیورٹی سروس حماس کے خلاف آپریشن میں تیزی لائیں گے تاکہ اسرائیلی کارروائی کا اصل مقصد حاصل کیا جا سکے۔

آٹھ جولائی سے اب تک اسرائیلی کے سفاکانہ حملوں میں عورتوں اوربچوں سمیت ایک ہزارستانوے فلسطینیوں نے جام شہادت نوش کیا جبکہ دس ہزار سے زائد زخمی ہوئے۔

Comments

comments

یہ بھی پڑھیں