غزہ پر اسرائیلی بمباری، شہید فلسطینیوں کی تعداد188ہوگئی -
The news is by your side.

Advertisement

غزہ پر اسرائیلی بمباری، شہید فلسطینیوں کی تعداد188ہوگئی

غزہ :اسرائیلی فوج کی وحشیانہ بمباری میں شہید ہونے والے بے گناہ فلسطینیوں کی تعداد ایک سو نواسی ہوگئی ہے اور چودہ سو افراد زخمی ہیں، حماس نے اسرائیل اور حماس کے درمیان جنگ بندی کی مصری پیش کش مسترد کردی ہے جبکہ اسرائیل کی کابینہ نے جنگ بندی کی منظوری دے دی ہے۔

غزہ میں نہتے فلسطینیوں کے خلاف اسرائیلی مظالم کا سلسلہ جاری ہے، اسرائیل اب تک غزہ پر ایک ہزار سے زائد حملے کرچکے ہے، جس میں زخمی ہونے والوں کی تعداد بارہ سو سے زائد ہوگئی ہے، غزہ میں امن کی بحالی کے لئے حماس اور اسرائیل میں ثالثی کی مصری پیش کش کو حماس نے مسترد کردیا ہے۔

حماس کا کہنا ہے کہ کسی ٹھوس معاہدے کے بغیر جنگ بندی نہیں کریں گے، جنگ روک کر مذاکرات نہیں کئے جا سکتے، اسرائیل کی سیکورٹی کابینہ کے اجلاس میں مصر کی جنگ بندی کی تجویز کی منظوری دے دی گئی۔

مصر کا کہنا ہے کہ جنگ بندی کے لئے ثالثی کی پیش کش کا مقصد غزہ میں کھانے پینے کی اشیا اور دوائیں فراہم کرنا ہیں، اسرائیلی دھمکی کے بعد ہزاروں فلسطینی اپنا گھر بار چھوڑ کر امدادی کیمپوں میں پناہ لینے پر مجبورہیں۔ اسرائیل کا کہنا ہے کہ نہتے فلسطینیوں کے خلاف آپریشن غیرمعینہ مدت تک جاری رہے گا۔

Comments

comments

یہ بھی پڑھیں