The news is by your side.

Advertisement

غیر ملکی این جی او کے دفتر پر چھاپہ، سات ملازم گرفتار

کراچی:  پولیس نے ایک نان گورنمنٹ آرگنائزیشن کے دفتر پر چھاپہ مار کر عملے کے سات افراد کو حراست میں لے لیا ہے۔

تفصیلات کے مطابق چھاپہ کراچی کے علاقے کلفٹن میں واقع عمارت ’ہورآئزن ٹاور‘پر مارا گیا اور عملے کو حراست میں لینے کےساتھ لیپ ٹاپ سمیت دیگر سامان ضبط کرلیا گیا۔

ذرائع کے مطابق آئی میپ نامی این جی او کے دفتر میں غیر قانونی طور پر سندھ کے حساس مقامات کی ڈیجیٹل میپنگ کی جارہی تھی۔

حساس مقامات میں کراچی اورسندھ کے ایئرپورٹس اور نیو کلئیر پلانٹ ’کینپ‘سمیت کئی حساس مقامات شامل ہیں۔

کراچی میں پوش علاقے میں واقع این جی او کے دفتر میں مشکوک افراد کی نقل و حرکت کے باعث وزارتِ داخلہ نے سن 2011 میں این جی او پر پابند ی عائد کی تھی اس کے باوجود غیر قانونی طور پر دفتر میں کام جاری تھا۔

پولیس حکام کے مطابق عملے کو حراست میں لے لیا گیا ہے اوران سے مزید معلومات حاصل کرنے کے لئے تفتیش کی جارہی ہے۔

Print Friendly, PDF & Email

Comments

comments

یہ بھی پڑھیں