The news is by your side.

Advertisement

فاسٹ بولر جنید خان کی ایم آر آئی رپورٹ پی سی بی کو موصول

لاہور: پاکستان کرکٹ ٹیم کے فاسٹ بولر جنید خان کی ایم آر آئی رپورٹ پی سی بی کو موصول ہوگئی، رپورٹ میں جنید خان کی ہیمسٹرنگ انجری غیر تسلی بخش قرار پائی۔ ڈاکٹرز نے فاسٹ بولر کو آرام کا مشورہ دے دیا۔

تفصیلات  کے مطابق پاکستان کرکٹ بورڈ کی میڈیکل کمیٹی نے فاسٹ بولرجنید خان کی فٹنس کا جائزہ لینے کیلئے ایم آر آئی ٹیسٹ کروایا۔

غیر تسلی بخش رپورٹ سامنے آنے پر ڈاکٹرز نے فاسٹ بولر کو چار ہفتوں تک آرام کا مشورہ دیا ہے۔ فاسٹ بولر جنید خان گذشتہ روزتربیتی کیمپ میں نیٹ پریکٹس کے دوران زخمی ہوئے تھے۔

ذرائع کے مطابق جنید خان کا کل ایک اور ٹیسٹ کروایا جائے گا رپورٹ مثبت نہ آنے کی صورت کی جنید خان نیوزی لینڈ کیخلاف دو ون ڈے میچز کی سیریز نہیں کھیل سکیں گے۔

میگا ایونٹ سے قبل کیوی ٹیم دو میچز کی سیریز میں قومی ٹیم کی میزبانی کرینگی۔ عالمی کپ میں شرکت کیلئے قومی ٹیم بیس جنوری کو باراستہ دبئی نیوزی لینڈ روانہ ہوگی۔

Print Friendly, PDF & Email

Comments

comments

یہ بھی پڑھیں