The news is by your side.

Advertisement

فاسٹ بولر محمدعرفان انجری کے باعث ورلڈ کپ سے باہر

ایڈیلیڈ: پاکستان بولنگ لائن کے اہم ستون محمد عرفان انجری کی وجہ سے کرکٹ ورلڈ کپ سے باہر ہوگئے ہیں، آسٹریلیا کیخلاف کوارٹر فائنل سے قبل پاکستان ٹیم کیلئے یہ خبر بڑا دھچکا ثابت ہوئی ہے۔

پاکستانی فاسٹ بولر محمد عرفان انجری کے باعث اب ورلڈ کپ سے باہر ہوگئے اور اس کی تصدیق پاکستان کرکٹ بورڈ نے بھی کردیا،  ٹیم منیجر نوید اکرم چیمہ نے کہا کہ محمد عرفان ورلڈکپ میں مزید نہیں کھیل سکیں گے اور وطن واپس بھیجا جارہا ہے، جس کا باقاعدہ اعلان کچھ دیر میں پی سی بی کردے گا اور اسے قومی ٹیم کے لیے بڑا دھچکا قرار دیا جارہا ہے۔

ایڈیلیڈ میں محمد عرفان کا مسلسل دوسرا ایم آر آئی ٹیسٹ ہوا جسکی رپورٹ اطمینان بخش ثابت نہیں ہوئی،عرفان کو کولہے کی شدید انجری ہوئی ہے جس سے صحت یاب ہونے میں وقت لگے گا، جہاں تک پاکستان ٹیم کا سفر جاری رہیگا، فاسٹ بولر کی کمی شدت سے محسوس ہوگی۔

یو اے ای کیخلاف میچ کے دوران محمد عرفان کولہے کی انجری کا شکار ہوئے، جنوبی افریقہ کیخلاف میچ کھیلا لیکن آئرلینڈ کیخلاف انھیں آرام کرایا گیا تھا، پاکستان کرکٹ بورڈ نے فاسٹ بولر کو وطن واپس بلالیا ہے، متبادل کھلاڑی کا فیصلہ کوارٹر فائنل کے بعد کیا جائیگا۔

نوید اکرم چیمہ نے بتایاکہ تاحال محمد عرفان کے متبادل کا فیصلہ نہیں ہوسکالیکن یہ واضح ہوگیاکہ محمدعرفان مزید سکواڈ کا حصہ نہیں ہوں گے ، ذرائع نے بتایاکہ محمد عرفان کی جگہ احسان عادل کو شامل کیے جانے کا امکان ہے۔

اب آسٹریلوی ٹیم پر کم دباؤ ہوگا کینگروز بھی شاید بلا خوف و خطر کوارٹر فائنل کھیلیں گے، کیونکہ محمد عرفان میدان میں قدم نہیں رکھیں گے۔

Print Friendly, PDF & Email

Comments

comments

یہ بھی پڑھیں