فاٹا ڈیزائسٹرمنیجمنٹ اتھارٹی کے آئی ڈی پیز کے نئے اعداد وشمار جاری -
The news is by your side.

Advertisement

فاٹا ڈیزائسٹرمنیجمنٹ اتھارٹی کے آئی ڈی پیز کے نئے اعداد وشمار جاری

فاٹا: ڈیزائسٹرمنیجمنٹ اتھارٹی نےآئی ڈی پیز کے نئے اعداد وشمار جاری کردیئے، شمالی وزیرستان سے انچاس ہزار آٹھ سو ستاون خاندانوں نے نقل مکانی کی۔

فاٹا ڈیزائسٹر منیجمنٹ اتھارٹی نے نادرا سے تصدیق کے بعد آئی ڈی پیز کے نئے اعداد وشمار جاری کردیئے، ایف ڈی ایم اے کے ڈی جی عابد مجید نے ایک پریس کانفرنس میں بتایا کہ شمالی وزیرستان سے پانچ لاکھ پینتالیس ہزار چھیاسٹھ افراد نے نقل مکانی کی ہے، نقل مکانی کرنے والوں میں ایک لاکھ چالیس ہزار سات سو اٹھارہ مرد، ایک لاکھ چھپن ہزارتیس خواتین اور دولاکھ اٹھائس ہزار تین سو اٹھارہ بچے شامل ہیں۔

عابد مجید کا کہنا تھا کہ وفاقی حکومت نے آئی ڈی پیز کے لیے دو ہزارملین روپے دئیے ہیں، شمالی وزیرستان سے بے گھر افراد میں 75کروڑ 90لاکھ روپے تقسیم کیے گئے ہیں جبکہ مزید ایک ارب روپے جاری کردئیے گئے ہیں، متاثرین میں رمضان المبارک کا پیکج تقسیم کر دیا گیا۔

تقریباً تمام خاندانوں کو 52 ہزار روپے کا رمضان پیکج فراہم کیا گیا ہے، البتہ جو خاندان ابھی تک اس امداد سے محروم ہیں، انہیں عید الفطر سے قبل ہی ادا کردیا جائیگا۔

Comments

comments

یہ بھی پڑھیں