site
stats
عالمی خبریں

فرانسیسی شخص کی یورپین یونین میں داخلے کی انوکھی کوشش

وارسا: فرانسیسی نژادشخص نے اپنی روسی نژاد بیوی کو ایک بڑے سوٹ کیس میں بند کرکے یورپین یونین میںداخل ہونے کی انوکھی کوشش کرڈالی، وہ بھی بغیر سوچے سمجھے کہ اس خطرناک عمل کا انجام کیا ہوسکتا ہے۔

پولینڈ کے بارڈر گارڈز نے ساٹھ سالہ شخص کو بیلاروس کے سرحدی قصبے کے ریلوے اسٹیشن سے گرفتارکیا۔

بارڈر گارڈز کے ترجمان داریوزسنیسکی کا کہنا ہے کہ ’’عام معمول سے بڑے سوٹ کیس نے ان کی توجہ اپنی جانب مبذول کرائی ، جب اسے کھولا گیا تو ان پرحیرت کا پہاڑ ٹوٹ پڑا کہ اندر سے فرانسیسی شخص کی بیوی برآمد ہوئی‘‘۔

’’وہ زندہ تھی اوراسے طبی امداد کی ضرورت نہیں تھی‘‘۔

یہ جوڑا ماسکو سے ٹرین کے ذریعے فرانس کے شہر نائس کی جانب سفرکررہا تھا، تفتیش کے بعد بارڈرگارڈز نے انہیں رہا کردیا اورانہوں نے بیلاروس واپس جانے کا فیصلہ کیا۔

ترجمان کا مزید کہنا تھا کہ خاتون اگراپنے شوہرکے ساتھ بیٹھ کربھی سفرکرتی تو اسے کسی مشکل کا سامنا نہیں کرنا پڑتا کیونکہ یورپین یونین کے شہری اپنے شریک حیات کے ساتھ شادی کا ثبوت دے کریونین کے ممبرممالک میں رہ سکتے ہیں۔

ان کا کہنا تھا کہ اس جوڑے نے بلاوجہ خود کو خطرے میں ڈالا اس جرم میں انہیں بارڈر کنٹرول کے قانون کے تحت تین سال کی سزا ہوسکتی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top