پیرس : فرانسیسی پولیس نے پارک بکنی پہنے والی خاتون پر غیر قانونی حملہ کرنے کے الزام میں چار مسلم خاتون کو گرفتار کرلیا۔
اکیس سالہ متاثرہ خاتون کا نام انجلیق سلاس ہے جس پر مسلم خاتون کے گروہ نے حملہ کیا تھا ، حملہ کرنے والی عورتوں کی عمر تقریبا 16 سے 24 سال تک کی ہے، متاثرہ خاتون پر حملہ اس وقت ہوا جب وہ اپنی دو سہیلیوں کے ساتھ ’’سن باتھ ‘‘ لے رہی تھیں۔
متاثرہ خاتون کے حق میں گزشتہ روز بارش اور سرد ہواؤں کے باوجود شمالی علاقہ ریمز کے پارک میں کئی خاتون نے بکنی اور تیراکی کا لباس پہن کر احتجاج کیا اور ریلی نکالی۔
سیکڑوں افراد نے متاثرہ خاتون کے حق میں سوشل میڈیا پر مہم چلائی، سڑکوں پر بکنی میں ملبوس خواتین کی تصاویر پوسٹ کی۔
