فرانس میں آسان موت مرنے کا بل منظور -
The news is by your side.

Advertisement

فرانس میں آسان موت مرنے کا بل منظور

پیرس:فرانسیسی پارلیمنٹ نے موت کے نزدیک مریضوں کو میڈیکل ٹریٹمنٹ روک کر مسکن دواؤں کے ذریعے آسان موت مرنے کا بل منظور کرلیا۔

پارلیمنٹ کے 436 ارکان نے بل کی حمایت میں جبکہ 34 نے بل کی مخالفت میں ووٹ دئیے۔ امید ہے کہ بل حتمی منظوری کے لئے مئی یا جون میں ایوانِ بالا میں بھیجا جائے گا۔

بل کے مطابق وہ مریض جن کا مرض لاعلاج ہوچکا ہے اوروہ زندگی کی آخری حدوں میںداخل ہوچکے ہیں وہ اس قانون کے ذریعے اپنی موت تک مسکن دواؤں کے زیر اثر رہ کر آسان موت کا راستہ اپنا سکتے ہیں۔

اس بل کو لانے میں فرانس کےسوشلسٹ صدرفرانکوئس ہولینڈ کا بڑا ہاتھ ہے جو اس سے قبل سال 2012 میں ہم جنس پرستوں کی شادی کا متنازعہ بل بھی منظور کرا چکے ہیں۔

اس موقع پر ایک سوشلسٹ سینیٹر نے خبردار کیا ہے کہ حکمران جماعت اس بل کے سبب مارچ 22 اور 29 کو ہونے والے الیکشن میں قدامت پسندوں کی حمایت سے محروم ہونے کا اندیشہ ہے۔

ایک اور رہنماء بریزہ خیری کا کہنا تھا کہ اس بل کے نتیجےمیں سوشلسٹ پارٹی مسلمانوں کے ووٹ سے محروم ہوسکتی ہے۔

Comments

comments

یہ بھی پڑھیں