The news is by your side.

Advertisement

فرزانہ قتل کیس میں مقتولہ کے والد سمیت سابق شوہر اور دیگر کو سزائے موت

لاہور: فرزانہ قتل کیس میں جرم ثابت ہونے پرعدالت نے مقتولہ کے والد، سابق شوہر، بھائی اور کزن کو سزائے موت سُنادی ہے۔

لاہور میں فرزانہ کو سر عام سنگسارکرنے والے ملزمان کا کیس اپنے انجام کو پہنچا ہے۔ انسداد دہشت گردی عدالت نے قتل کے الزام میں گرفتار مقتولہ کے والد عظیم، سابق خاوند مظہر اقبال، بھائی زاہد اور کزن جہان خان کو تین تین بار موت کی سزا سنادی ہے۔

اس کے علاوہ عدالت نے حکم جاری کیا ہے کہ ملزمان کو ایک ایک لاکھ روپے جرمانے کی ادائیگی بھی کرنی ہوگی۔

ملزمان نے فرزانہ کو پسند کی شادی کرنے پر اُس وقت اینٹیں مار مار کر قتل کردیا تھا جب وہ میرج کیس میں بیان قلمبند کرانے کے لئے لاہور ہائی کورٹ آرہی تھی۔ انسداد دہشت گردی عدالت نے مقدمے میں ملوث مقتولہ کے رشتہ دارغلام علی کو دس سال قید کی سزا بھی سنائی دی ہے۔

Print Friendly, PDF & Email

Comments

comments

یہ بھی پڑھیں