The news is by your side.

Advertisement

فرینکفرٹ: ہیم ٹیکسٹائل نمائش کا آغاز ہوگیا

فرینکفرٹ:جرمنی میں ہیم ٹیکسٹائل کا افتتاح ہو گیا ہے، جرمن مارکیٹ میں پاکستان کے تجارتی حجم کی مالیت پچیس لاکھ ڈالر متوقع ہے ۔

جرمنی میں تعینات پاکستانی سفیر سیدحسن جاوید نے کہاہے کہ پاکستانی سفارت خانے نے آئندہ ایک سال میں یورپ پاکستانی ٹیکسٹائن مصنوعات کی برآمدات دو گناہ کرنے اور اگلے پانچ سال کے دوران پاکستانی برآمدات سوارب ڈالر تک بڑھانے کی حکمت عملی مرتب کرلی ہے۔

جرمنی میں تعینات پاکستانی سفیر سید حسن جاوید نے کہا کہ یورپی یونین کی جانب سے جی ایس پی پلس اسٹیٹس ملنے کے مثبت نتائج بتدریج برآمد ہورہے ہیں، اور گزشتہ دس ماہ میں پاکستانی ٹیکسٹائل برآمدات میں 19فیصد کا اضافہ ریکارڈ کیا گیا ہے ۔

حسن جاوید نے بتایا کہ پاکستان میں امن وامان کی صورت حال بہتر ہوجائے اور توانائی بحران کی شدت میں کمی ہو جائے تو پاکستان یورپین مارکیٹ میں سو ارب ڈالر کی مصنوعات برآمد کر نے کی صلاحیت رکھتا ہے۔انہوں نے بتایا کہ اس و قت جرمن مارکیٹ میں پاکستان کے تجارتی حجم کی مالیت پچیس لاکھ ڈالر متوقع ہے ۔

حسن جاویدنے کہا کہ ہیم ٹیکسٹائل نمائش پاکستانی ٹیکسٹائل برآمدکنندگان کے لئے میسے فرینکفرٹ کے منتظمین سے پاکستانی نمائش کنندگا کے لئے جگہ بڑھانے کی درخواست کرے گا ۔

 میسے فرینکفرٹ کے نمائندے اور ہیم ٹیکسٹائل کے آرگنائزر ہادی صلاح الدین نے بتایا کہ ہیم ٹیکسٹائل میں پاکستان چوتھا بڑا نمائش کنندہ ملک ہے۔جس کے مجموئی طو ر پر219 ٹیکسٹائل کمپنیاں شرکت کررہی ہیں، میسے فرینکفرٹ کی اس نمائش میں دنیا کی68 ممالک کی 2759 کمپنیاں شریک ہیں۔،

Print Friendly, PDF & Email

Comments

comments

یہ بھی پڑھیں