site
stats
پاکستان

فطرے کے نام پر کسی کو بھتہ لینے نہیں دینگے،رینجرز کا عزم

کراچی: رینجرز نے کراچی کےعلاقے رضویہ سے فطرہ جمع کرتے ہوئے ایم کیو ایم کے سولہ کارکنوں کو گرفتار کرلیا۔

ترجمان سندھ رینجرز نے جاری اعلامیے میں کہا ہے کہ فطرے کے نام پر کسی کو بھتہ نہیں لینے دیں گے جبکہ بھتہ خوروں کے حق میں نیوز کانفرنس ان کی حمایت کرنے کے مترادف ہے۔

ترجمان رینجرز کے مطابق رضویہ کے علاقے سے ایم کیو ایم کے سولہ کارکنان کو گرفتار کیا گیا ہے، جن کے قبضے سے فطرے کی پرچیاں اور ساڑھےاکتیس ہزارروپے برآمد ہوئے۔

ترجمان رینجرز کا کہنا تھا کہ گرفتار کارکنان کوعدالت میں پیش کریں گے، جو بے گناہ ہوا رہا کردیا جائے گا، انہوں نے مزید کہا کہ کسی بھی جماعت کو زبردستی فطرہ جمع کرنے نہیں دیں گے، فطرے کے نام پر بھتہ جمع کرنے والوں سے عوام تنگ آچکی ہے۔

ترجمان رینجرز نے عوام سے درخواست کی زبردستی بھتہ لینے والوں کی شکایت ڈبل ون زیرون پر دیں، شکایت کرنے والوں کو رینجرز تحفظ فراہم کرے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top