The news is by your side.

Advertisement

فلم تین بہادر نے کراچی کے بعد لاہورمیں بھی دھوم مچا دی

لاہور : اے آروائی فلمز کی پیشکش اور پاکستان کی پہلی اینیمیٹیڈ فلم تین بہادر کی دھوم کراچی کے بعد لاہورمیں بھی مچ گئی، فلم کی ہدایتکارہ شرمین عبید چنائے نے اپنی ٹیم کے ہمراہ لاہورمیں پریس کانفرنس کی۔

تفصیلات کے مطابق اے آروائی کا نیا شاہکار اور ملکی تاریخ کی پہلی اینیمیٹیڈ فلم تین بہادر کی تشہیری مہم کے حوالے سے لاہورمیں کی جانیوالی پریس کانفرنس میں تین بہادر کی ہدایتکارہ شرمین عبید چنائے ،سی ای او اے آروائی گروپ جرجیس سیجا اور فلم کے سپانسرزنے شرکت کی۔

تین بہادر کا دوسرا گیت رونقیں گلوکار شیراز اپل نے میڈیا کے سامنے لائیو گاکر ریلیز کیا، اس موقع پر تین بہادر کی شرٹس ،کشنز اور کتابیں بھی متعارف کروائی گئیں۔

شرمین عبید چنائے نے بتایا کہ فلم میں بچوں کے ذریعے بہادری اور ملک وقوم کیلئے کچھ کرگزرنے کا پیغام دیا گیا ہے۔

واضح رہے کہ میں ہوںشاہد آفریدی،وار اور جلیبی کی عالمگیر کامیابی کے بعد اے آروائی فلمز کی نئی پیشکش تین بہادر کی ایڈوانس بکنگ شروع ہو چکی ہے، جبکہ مذکورہ فلم بائیس مئی سے ملک بھر کے سنیما گھروں کی زینت بنے گی۔

Comments

comments

یہ بھی پڑھیں