site
stats
انٹرٹینمںٹ

فواد خان نے پاکستانی فلم کا بھاری معاوضہ طلب کرلیا

بھارت میں فلم اسٹار کی حیثیت سے اپنی شناخت بنانے والے پاکستانی ٹی وی اداکار فواد خان نے پاکستانی فلم میں کام کرنے کے لئے ناقابلِ یقین معاوضہ طلب کرلیا۔

جی ہاں! اداکار فواد خان نے لالی وڈ کی فلم میں کام کرنے کا معاوضہ دو کروڑ روپے طلب کیا ہے۔

فواد خان نے پاکستان میں ای پی نامی بینڈ سے بحیثیت مرکزی گلوکار گلیمر کی دنیا میں اپنے سفر کا آغازکیا، بعد ازاں انہوں نے ٹی وی ڈراموں میں اداکاری شروع کردی اور جلد ہی پاکستان کی ہردوشیزہ کے دل کی دھڑکن بن گئے

ڈرامہ سیریل ’ہمسفر‘نے ان کی شہرت کو مزید پرواز دی اور یہ شہرت سرحد پارکرکے بھارت تک پہنچ گئی۔

اطلاعات کے مطابق فواد خان کی جانب سے اس قدر بھاری معاوضہ طلب کرنے کے بعد فلم کے ڈائریکٹر نے اس کردار کے لئے پاکستانی فلم اسٹار معمر رانا کو 2 لاکھ روپے کے عوض کاسٹ کرلیا ہے۔۔

ناقدین کا کہنا ہے کہ فواد خان بھارت میں ملنے والی حالیہ کامیابیوں کے سبب اتنا بھاری معاوضہ مانگنے میں حق بجانب ہیں جبکہ لالی وڈ ستاروں کا کہنا ہے کہ فواد خان کو عزت پاکستان نے دی ہے لہذا انہیں تیزی سے ابھرتی ہوئی پاکستانی فلم انڈسٹری کو فائدہ پہنچانا چاہیے۔

فواد خانکی فلم ’خوبصورت ‘نے بھارت میں قابلِ ذکر کامیابی حاصل کی ہے اور نا صرف یہ بلکہ وہ فلم فیئر ایوارڈبھی پانے میں کامیاب رہے ہیں۔

فواد خان بھارت میں فلم فیئر ایوارڈ حاصل کرنے والے پہلے پاکستانی اداکارہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top