قوم ایکشن پلان ایکشن میں دیکھناچاہتی ہے، نوازشریف -
The news is by your side.

Advertisement

قوم ایکشن پلان ایکشن میں دیکھناچاہتی ہے، نوازشریف

اسلام آباد : فوجی عدالتوں کے قیام کے حوالے سے فیصلہ ساز اجلاس ایوانِ وزیرِاعظم اسلام آباد میں باقاعدہ طور پر  شروع ہوگیا ہے، اجلاس میں شرکت کیلئےملک کی اہم سیاسی جماعتوں کے رہنما موجود ہیں۔

اجلاس میں وزیرِاعظم سیاسی رہنماؤں سے انسدادِ دہشت گردی سے متعلق قومی ایکشن پلان پرعملدر آمد کے حوالے سے مشاورت کریں گے۔

اجلاس کا آغاز مولانا فضل الرحمٰن نے تلاوت کلام پاک سے کیا۔ اجلاس سے خطاب کرتے ہوئے میاں نواز شریف نے کہا کہ ہم ایک اہم مسئلے کے حل کیلئے تیسری بار اکھٹے ہوئے ہیں۔

انہوں نے کہا کہ ایکشن پلان کے حوالے سے قوم کی نگاہیں اس اجلاس پر لگی ہیں،اور ہم انشاءاللہ قوم کی امیدوں پر پورا اتریں گے، ان کا کہنا تھا کہ تمام قائدین بھی اس بات پر  متفق ہیں  کہ ملک سے دہشت گردی کا جڑ سے خاتمہ ہو، اور اس بل کو منظوری کیلئے جلد پارلیمنٹ میں پیش کیا جائے گا۔

وزیر اعظم نواز شریف نے کہا کہ قوم دہشت گردی کےخلاف ایکشن پلان ایکشن میں بھی دیکھناچاہتی ہے، حتمی فیصلے کا وقت آگیا۔ اس نتیجے پر پہنچ چکے ہیں کہ کام کو کیسے انجام دینا ہے۔

وزیر اعظم نے کہا کہ پندرہ دن کی مشاورت کے بعد اب مزید بحث کی ضرورت نہیں ہے ۔بسم اللہ کریں اور آج ہی یہ بل  قومی اسمبلی میں پیش کرکےا سےمنظور کروائیں ۔

وزیر اعظم نواز شریف نے کہا کہ خواہش ہے کہ جلد خوف کے بادل چھٹ جائیں اور قوم سکھ کا سانس لے۔پندرہ روز میں تیسری بار قومی قیادت کا ایک میز پر مل بیٹھنا قابل ستائش ہے۔

Comments

comments

یہ بھی پڑھیں