فیس بک کی مفت انٹرنیٹ فراہم کرنے کی تیاری -
The news is by your side.

Advertisement

فیس بک کی مفت انٹرنیٹ فراہم کرنے کی تیاری

نیویارک: فیس بک کے سربراہ مارک زکر برگ غربت میں ڈوبے ہوئے افریقی ممالک کو مفت انٹرنیٹ فراہم کرنے کے لیے میدان میں کود پڑے ہیں، زکر برگ نے برِاعظم افریقہ کے طول و عرض میں انٹرنیٹ پہنچانے کے لیے ووڈا فون سمیت کئی موبائل فون کمپنیوں سے بات چیت کی تھی مگر ان کے تیار نہ ہونے کے بعد اب وہ برطانوی سیٹیلائٹ کمپنی سے بات چیت کر رہے ہیں۔

اس کمپنی کے برِاعظم افریقہ کے اوپر دو مصنوعی سیارے موجود ہیں اور یہ مزید تین سیارے جلد ہی خلاء میں پہنچانے کی تیاری کر رہی ہے۔

زکر برگ کا کہنا ہے کہ افریقہ کے غریب عوام کو مفت انٹرنیٹ فراہم کر دیا جائے تو نہ صرف انہیں تعلیم اور صحت جیسی سہولیات باآسانی مل سکیں گی بلکہ عالمی پیداواری صلاحیت میں بھی 25 فیصد اضافہ ہو جائے گا، انہوں نے انٹرنیٹ ۔ او آر جی نامی پراجیکٹ شروع کر رکھا ہے، جس کا مقصد تمام دنیا کے انٹرنیٹ سے محروم انسانوں تک یہ سہولت پہنچانا ہے۔

ان کا کہنا ہے کہ انٹرنیٹ کی سہولت لوگوں کی زندگیاں بدل سکتی ہے ، وہ اس پہلے ایبولا وائرس کے خاتمے کے لیے امدادی مہم بھی شروع کر چکے ہیں۔

Comments

comments

یہ بھی پڑھیں