فیصلہ عوام کا ، آج یوم انقلاب کا دن -
The news is by your side.

Advertisement

فیصلہ عوام کا ، آج یوم انقلاب کا دن

اسلام آباد :پاکستان عوامی تحریک کے حکومت کے ساتھ مذاکرات ناکام ہوگئے، ڈاکٹر طاہرالقادری  نے کہا ہے کہ حکومت سے مذاکرات ناکام رہے، اب مذاکرات کا دروازہ بند ہوگیا ہے، مذاکرات کیلئےاب کوئی آنے کی زحمت نہ کرے۔

ڈاکٹر طاہرالقادری نے کہا آج  یوم انقلاب کا دن ہے اور عوام فیصلہ کریں گی،  دوپہر3بجےعوام جمع ہوجائیں اب پاکستان کی تقدیر بدلنے کا وقت آگیا، ہماری اس جگہ پر قیام کی آخری رات ہے۔

ڈاکٹر طاہرالقادری آج سہہ پہر تین بجے دھرنے سے خطاب کریں گے۔

گزشتہ رات پاکستان عوامی تحریک کے سربراہ ڈاکٹر طاہر القادری اور حکومتی وفد کے درمیان جاری مذاکرات اپنے اختتام کو پہنچ گئے ہیں، ڈاکٹر طاہر القادری نے گورنر سندھ اور گورنر پنجاب کا ان کی ذاتی حیثیت میں شکریہ ادا کیا اور اعلان کیا کہ وزیر اعظم اور حکومت کلی طور پر ناکام ہوچکے ہیں۔ ان کا یہ کہنا تھا کہ حکومتی کمیٹی نے ہم سے بارہا وقت مانگا اور ہم دیتے رہے لیکن وہ کسی نتیجے پر نہیں پہنچ پائے ۔

انہوں نے کہا کہ ہم نے حکومت سے دو مطالبے کئے تھے کہ پہلا مطالبہ سانحہ ماڈل ٹاوٗن کے اکیس نامزد ملزمان کے خلاف ایف آئی آر درج کی جائے اور دوسرا مطالبہ شہباز شریف استعفیٰ دیں تاکہ مزید شرائط پر گفتگو ہوسکے ۔

ان کا کہنا تھا کہ مسلم لیگ ن کی حکومت عوام کے مسائل حل کرنے میں غیر سنجیدہ ہے ہم نے وفد سے کہا تھا کہ آدھے گھنٹے بعد اگر حکومت کی جانب سے مطالبات نہ مانے جائے تو دوبارہ واپس نہ آئیں۔

انہوں نے اعلان کیا کہ حکومت سے مذاکرات ختم ہوچکیں ہیں ہم نے امن اور جمہوریت کو آخری حد تک موقع دیا لیکن حکمرانوں کی نیت میں عوام کو عدل دینا نہ پہلے تھا نہ اب ہے، لہذا مذاکرات کا دروازہ بند ہو گیا ہے اور ہم اپنا آئندہ کا لائحہ عمل طے کرنے میں حق بجانب ہیں۔

انہوں نے اعلان کیا کہ جو لوگ آنا چاہیں کل تک آجائیں، عوام کو کل سے زیادہ نہیں بیٹھنا پرے گا ، کل حکمرانوں کا فیصلہ عوام کریں گے۔

Comments

comments

یہ بھی پڑھیں