فیصل آباد : ایم کیوایم کے قائدالطاف حسین اور سابق صدر آصف علی زرداری کے خلاف فوج کے خلاف تقریر کرنے پر مقدمے کے اندراج کے لئے عدالت میں تین آئینی درخواستیں دائر کی گئیں۔
شاہد رفیق ایڈووکیٹ کی جانب سے ڈسٹرکٹ اینڈ سیشن جج کو پیش کی گئی رٹ پٹیشن میں مؤقف اختیار کیا گیا ہے کہ آصف زرداری نے سولہ جون کو حکومت اور پاک فوج کے خلاف شرانگیز تقریر کرتے ہوئے ملک میں سڑکیں اور کاروبار بند کرنے کی دھمکی دی۔
درخواست گزار نے الطاف حسین اور آصف علی زرداری کے خلاف ایک اور رٹ پٹیشن بھی دائر کی، سیشن جج نے تینوں درخواستیں ایڈیشنل سیشن جج خضر حیات سیال کی عدالت کو بھجوا دیں، جس کی سماعت تئیس جولائی کو ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں