فیصل آباد: دہشتگردوں اور پولیس میں فائرنگ کا تبادلہ، پولیس اہلکار جاں بحق، دہشتگردہلاک -
The news is by your side.

Advertisement

فیصل آباد: دہشتگردوں اور پولیس میں فائرنگ کا تبادلہ، پولیس اہلکار جاں بحق، دہشتگردہلاک

فیصل آباد:  ڈی گراؤنڈ میں دہشتگردوں سے مقابلے میں ایک پولیس اہلکار جاں بحق اور تین زخمی ہوگئے جبکہ ایک دہشتگرد کے بھی ہلاک ہونے کی بھی اطلاعات ہیں۔

تفصیلات کے مطابق فیصل آباد کے علاقے ڈی گراؤنڈ میں پولیس نے ایک گاڑی کو رکنے کا اشارہ کیا تو گاڑی میں موجود دہشتگردوں نے پولیس کو دیکھتے ہی فائرنگ شروع کردی۔

جس کے نتیجے میں ایک پولیس اہلکار جاں بحق جبکہ تین اہلکار زخمی ہوگئے۔

دہشتگرد گاڑی چھوڑ کر فرار ہوگئے، جس میں سے دستی بم برآمد ہوئے ہیں، پولیس نے علاقے کو گھیرے میں لے کر سرچ آپریشن شروع کردیا۔

پولیس نے فرار دہشتگردوں کی اطلاع دینے والوں کیلئے انعام کا اعلان کیا ہے، سی پی او فیصل آباد افضال احمد کا کہنا ہے کہ اطلاع دینے والے کو تین لاکھ روپے انعام دیا جائے گا جبکہ اطلاع دینے والے کا نام صیغہ راز میں رکھا جائے گا۔

Comments

comments

یہ بھی پڑھیں