فیصل آباد: غیرت کے نام پر پورا خاندان تباہ -
The news is by your side.

Advertisement

فیصل آباد: غیرت کے نام پر پورا خاندان تباہ

فیصل آباد: سنہری ٹاؤن میں سوئی گیس ملازم نے غیرت کے نام پر ٹوکے سے بیوی ، بیٹی اور بھائی کے گلے کاٹ دیئے، جس کے نتیجے میں بیٹی جاں بحق ہوگئی، ملزم نے خود بھی زہریلی گولیاں کھالیں ہیں۔

فیصل آباد میں غیرت کے نام پر پورا خاندان تباہ ہوگیا، ستیانہ روڈ پر واقع سنہری ٹاؤن کے رہائشی سوئی گیس کے اہلکارکو اپنے خاندان پر شک ہوا، ملزم پر خون سوار ہوا اور اپنی پینتیس سالہ بیوی زیبا، سترہ سالہ بیٹی حرا اور پینتالیس سالہ بھائی اسد کے گلے کاٹ دیئے، جس سے بیٹی حرا موقع پر ہی جان دے گئی۔

ملزم نے قتل کے لئے ٹوکا استعمال کیا، جس سے سب کے گلے کاٹ دیئے۔

ملزم نے خون کی ہولی کھیلنے سے پہلے گندم میں رکھی جانے والی پانچ زہریلی گولیاں کھالی تھیں، ملزم سمیت تینوں زخمیوں کو سول ہسپتال منتقل کر دیا گیا ہے، ہسپتال ذرائع کے مطابق ملزم کی حالت انتہائی نازک ہے ۔

Comments

comments

یہ بھی پڑھیں