کراچی: اے آروائی نیوزکے نمائندے فیض اللہ خان کی رہائی کے لیے کراچی پریس کلب کے باہر کے یوجے،پی ایف یو جے سمیت صحافتی تنظیموں نے احتجاج کیا۔
صحافتی برادری نے فیض اللہ سے اظہار یکجہتی کرتے ہوئے کہا کہ فیض اللہ کی گرفتاری کے بعد حکومت نے رہائی کے لیے کوئی خاطر خواہ اقدامات نہیں کیے گئے، سیکریٹری جنرل پی ایف یو جے امین یوسف کا کہنا تھا کہ گرفتاری کے بعد حکومت نے ایک بار بھی فیض اللہ کے اہل خانہ سے رابطہ نہیں کیا۔
انہوں نے مطالبہ کیا کہ حکومت فوری طور پر فیض اللہ کی رہائی کے لیے اقدامات کرے، صدر کے یوجے جی ایم جمالی کا کہنا تھا کہ فیض اللہ کو رہا نہ کیا گیا تو ملک گیر احتجاجی تحریک شروع کی جائے گی۔
