site
stats
کھیل

فیفا ورلڈ رینکنگ میں ردوبدل،جرمن نمبر ون ٹیم بن گئی

برازیل : فٹبال کی عالمی تنظیم فیفا نے ورلڈ کپ کے اختتام کے بعد نئی رینکنگ جاری کردی، ورلڈ چیمپیئنز جرمنی اب نمبر ون ٹیم بھی بن گئی۔

جرمن فٹبال ٹیم پر قسمت مہربان ہے، چوتھی مرتبہ ورلڈ چیمپیئن بننے کا اعزاز کیا حاصل کیا، ساتھ ہی فیفا کی نئی رینکنگ میں بھی نمبر ون ٹیم بن گئی، بیس سال میں پہلی مرتبہ جرمنی نے پہلی پوزیشن پر قبضہ کیا ہے، فٹبال ورلڈ کپ کی رنر اپ ٹیم ارجنٹائن تین درجے بہتری کے بعد دوسری پوزیشن پر آگئی ہے۔

ورلڈ کپ میں نیدرلینڈ تیسری پوزیشن پر رہی اور رینکنگ میں بھی تیسری پوزیشن حاصل کرلی، کولمبیا فٹبال ٹیم چوتھے نمبر پر پہنچ گئی، چھ درجہ ترقی حاصل کرکے بیلجیئم نے پانچویں پوزیشن، ایک درجہ بہتری کے بعد یوراگوئے چھٹے نمبر پر  ہے۔

ورلڈ کپ کی میزبان ٹیم برازیل کی رینکنگ گرتے ہوئے اب تیسرے سے ساتویں نمبر پر پہنچ گئی ہے، پہلے راؤنڈ میں باہر ہونے والی سابق عالمی چیمپیئن اسپین آٹھویں، سوئٹزرلینڈ تنزلی کے بعد نویں اور فرانس ٹاپ ٹین کی آخری ٹیم ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top