The news is by your side.

Advertisement

فیڈرل بورڈ آف ریونیو نے ایگزیکٹ کمپنی کا آڈٹ شروع کردیا

کراچی : ایگزیکٹ کمپنی کیخلاف تحقیقات کا دائرہ وسیع کردیا گیا، ایف بی آر اور ایس ای سی پی نے بھی معاملے کا اعلی ترین سطح پر نوٹس لے لیا۔

ایگزیکٹ کمپنی کے مالی اور ٹیکس معاملات کی چھان بین شروع کردی گئی ہے، ایف بی آر اور سیکیورٹیز اینڈ ایکسچینج کمیشن بھی اس معاملے کو لیکر متحرک ہوگئے ہیں۔

گزشتہ روز اے آر وائی نیوز نےایف بی آر کی جانب سے ایگزیکٹ کمپنی کے آڈٹ کئے جانے کی خبر بریک کی جبکہ کراچی آفس سے ایگزیکٹ کمپنی کے ٹیکس ریکارڈ کی تمام تر تفصیلات بھی طلب کرلی گئی ہیں۔

ذرائع کا کہنا ہے کہ بجٹ کی تیاری میں مصروفیت کے باوجود اس معاملے کو ترجیحاً دیکھنے کا فیصلہ ہوا ہے۔

دوسری جانب سیکیورٹیز اینڈ ایکسچینج کمیشن میں بھی اعلی ترین سطح پر ایگزیکٹ کے معاملے کا نوٹس لیا گیا ہے۔ چئیرمین ایس ای سی پی ظفرالحق حجازی نے لاء ڈویژن سے ایگزیکٹ کمپنی کی رپورٹ طلب کرلی ہے۔

چئیرمین ایس ای سی پی نے اے آر وائی نیوز کو بتایا کہ ایگزیکٹ کی رپورٹ آج مل جائیگی، جس پر مزید ایکشن کا دارومدارہوگا، اس کے علاوہ چیئرمین سندھ بورڈ آف ریونیوکا کہنا ہے کہ ٹیکس نہ دینے کے باعث آج ایگزیکٹ کو نوٹس جاری کریں گے۔

Comments

comments

یہ بھی پڑھیں