قائد الطاف حسین کی کارکن ندیم احمد کے بہیمانہ قتل کی شدید مذمت -
The news is by your side.

Advertisement

قائد الطاف حسین کی کارکن ندیم احمد کے بہیمانہ قتل کی شدید مذمت

لندن :ایم کیوایم کے قائدالطاف حسین نے اورنگی ٹاؤن میں مسلح دہشت گردوں کی فائرنگ سے ایم کیوایم کے کارکن ندیم احمد کے بہیمانہ قتل کی شدید الفاظ میں مذمت کی ہے۔

الطاف حسین نے کہا کہ ندیم احمدشہید نے بم دھماکے میں ملوث طالبان اورلشکرِ جھنگوی کے دہشت گردوں کو شناخت کیا تھا اور ان کے خلاف گواہی دی تھی، جس کے بعد سے انہیں دھمکیاں مل رہی تھیں۔

الطاف حسین نے کہا کہ طالبان، لشکرِجھنگوی اور دیگرکالعدم تنظیموں کے دہشت گردوں کے ہاتھوں کراچی میں ایم کیوایم کے تین ارکان سندھ اسمبلی سید رضا حیدر، منظرامام ، ساجد قریشی سمیت کئی کارکنوں اور ذمہ داروں کو شہید کیا جاچکا ہے، ایم کیوایم کو طالبانائزیشن کے خلاف آواز اٹھانے کی سزا دی جا رہی ہے۔

الطاف حسین نے آرمی چیف ،وزیرِاعظم ، وزیرِداخلہ و دیگر اعلٰی حکام سے مطالبہ کیا کہ ریاست کی رٹ چیلنج کرنے والے طالبان ، لشکرِ جھنگوی اور دیگر کالعدم تنظیموں کے دہشت گردوں کو سخت سزادی جائے۔

الطاف حسین نے ندیم احمدشہید کے لواحقین سے دلی تعزیت اور ہمدردی کا اظہار کیا، انہوں نے دعا کی کہ اللہ تعالیٰ ندیم احمد شہید کو شہادت کا درجہ عطا کرکے انہیں جنت الفردوس میں جگہ دے اور لواحقین کو صبرجمیل عطا کرے۔

Comments

comments

یہ بھی پڑھیں