site
stats
پاکستان

قائم مقام چیئرمین پیمرا پرویز راٹھور کی تقرری کا نوٹی فکیشن معطل

  اسلام آباد:  اسلام آباد ہائی کورٹ نے قائم مقام چیئرمین پیمرا پرویز راٹھوراور ممبر کمال الدین ٹیپو کی تقرری کا نوٹی فکیشن معطل کردیا۔

اسلام آباد ہائی کورٹ نے پیمرا کے پرائیویٹ ممبر اسرارعباسی کی توہین عدالت کی درخواست پر قائم مقام چیئرمین پیمرا پرویز راٹھور کی تقرری کا نوٹیفیکشن معطل کر دیا جبکہ ان کی بطور ممبر تقرری کا نوٹیفیکشن بھی معطل کر دیا گیا، عدالت نے پیمرا کے ایگزیکٹو ممبر کمال الدین کا نوٹیفکیشن بھی معطل کردیا۔

درخواست گزار کے وکیل نے بتایا کہ پرویز راٹھور توہین عدالت کے مرتکب ہو رہے تھے، سماعت کے دوران پیمرا کے وکیل کو مخاطب کرتے ہوئے عدالت نے کہا کہ احکامات پر عملدرآمد کیوں نہیں کیا جاتا اور فیصلوں کا مسلسل مذاق اڑایا جاتا ہے۔

پیمرا کے وکیل نے دلائل دینے کی کوشش کی تو جسٹس نورالحق قریشی نے انھیں روک دیا اور پرویز راٹھور کی معطلی کا فیصلہ سناتے ہوئے سماعت غیر معینہ مدت کے لئےملتوی کر دی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top