The news is by your side.

Advertisement

قتل کے مجرم شفقت حسین کی پھانسی پر عملدرآمد روک دیا گیا

اسلام آباد: اسلام آباد ہائیکورٹ نے سزائے موت کے مجرم شفقت حسین کی سزائے موت کل تک کے لیے ملتوی کرنے کا حکم جاری کر دیا۔

قتل کے مجرم شفقت حسین کی سزائے موت کیخلاف ایک بار پھر حکم امتناعی جاری کردیا گیا، شفقت حسین کو کل کرا چی سینٹرل جیل میں صبح چھ بجے پھانسی دی جانی تھی تاہم آج اسلام آباد ہائیکورٹ نے شفقت حسین کی سزائے موت کیخلاف حکم امتناعی جاری کردیا۔

مقدمےکی سماعت اسلام آباد ہائیکورٹ میں جسٹس اطہر من اللہ نے کی، اپنے ریمارکس میں جسٹس اطہر من اللہ کا کہنا تھا کہ عمر کے تعین پر سپریم کورٹ نے کچھ نہیں کیا تو ہائیکورٹ کیا کرسکتی ہے۔

عدالت کا کہنا تھا کہ وفاق سپریم کورٹ کےحکم پرمداخلت نہیں کرسکتی، عدالت نے وزارتِ داخلہ سے پھانسی اور عمر کے تعین سے متعلق رائے طلب کرلی۔

گذشتہ روز درخواست گزار کے وکیل نےعدالت میں مؤقف اختیارکیا تھا کہ شفقت حسین کی عمرکے تعین کیلئےعدالتی کمیشن بنایا جائے ۔

عدالت نے درخواست مسترد کرتے ہوئے مجرم کی عمر کے تعین کے معاملے پر وفاق سے چوبیس گھنٹے میں جواب طلب کیا تھا۔

Comments

comments

یہ بھی پڑھیں