قتل کے مزید پانچ مجرم تختہ دارپرجھول گئے، کل تعداد 193 ہوگئی -
The news is by your side.

Advertisement

قتل کے مزید پانچ مجرم تختہ دارپرجھول گئے، کل تعداد 193 ہوگئی

لاہور: کوٹ لکھپت جیل اورراولپنڈی کی اڈیالہ جیل میں قتل کےپانچ مجرموں کو تختہ دارپہ لٹکا دیا گیا۔

جیل حکام کے مطابق ندیم شہزاد ، ثمر جان اور ریاض نامی تینوں مجرموں کو انسداد دہشت گردی کی عدالت نے موت کی سزا سنائی تھی اور اعلیٰ عدلیہ سے بھی اپیل کی درخواستیں مسترد ہوچکیں تھیں ،ورثاء سے ملوانے کے بعدصبح سویرے تینوں کو پھانسی دے دی گئی۔

جیل ذرائع کے مطابق ندیم شہزاد اور ثمر جان نے 1998ء میں نصیر آباد لاہور سے ایک بچے کو اغوا کے بعد قتل کردیا تھا جبکہ ریاض نے2005ء میں شالیمار کے علاقے میں دو افراد کا قتل کیا تھا۔

راولپنڈی کی اڈیالہ جیل میں بھی قتل کے2 مجرموں محمد اشرف اور ظفر اقبال کوپھانسی دیدی گئی، مجرموں نے 2002 میں 2 افراد کو فائرنگ کر کے قتل کیا تھا۔

پھانسی کے بعد مجرمان کی لاشیں آخری رسومات کی ادائیگی کے لئے ورثاء کے حوالے کردی گئی ہیں۔

پاکستان میں 16 دسمبر 2014 کو آرمی پبلک اسکو ل پرحملے کے بعد طویل عرصے سے سزائے موت پر عائد پابندی اٹھائی تھی جس کے بعد آج ہونے والی پھانسیوں سمیت ملک بھر میں 193 افراد کو سزائے موت دی جاچکی ہے۔

Comments

comments

یہ بھی پڑھیں