کراچی: سخت ترین گرمی کے بعد کراچی مختلف علاقوں میں تیز ہواوں کے ساتھ بارش شروع ہوگئی ۔
چنچلاتی دھوپ اور دل دہلادینے والی گرمی کے بعد آخر کار موسم نے کروٹ لے لی ، کراچی کے مخلتف علاقے جن میں حیدری بلدیہ ، نیوکراچی، ناظم آباد، ، سائٹ ، گلشن اقبال ، ایف بی ایریا اور اورنگی ٹاون میں تیز ہواوں کے ساتھ بارش شروع ہوگئی۔
کراچی کےمختلف علاقوں بارش کے بعد گرمی سے بلبلائےشہریوں کےچہرے کھل اٹھے۔
محکمہ موسمیات نے منگل سے پری مون سون شروع ہونے کی پیشگوئی کی ہے،ساحلی علاقوں میں کل سےدرجہ حرارت میں کمی متوقع ہوگی۔
اس سلسلے میں ڈائریکٹر میٹ عبدالرشید کا کہنا ہے کہ کل سے موسم میں خوشگوار تبدیلی دیکھنے میں آئے گی، آج
ہبص مزید بڑھے گا درجہ حرارت میں کمی آسکتی ہے۔
ابھی بیالیس ڈگری ہے اگر کھل کر بارش ہو جائے تو پارہ پینتیس چھتیس تک جائے گا، انہوں نے مزید کہا کہ بارش اگر ہوئی تو جمعرات تک متوقع ہے اور موسم میں بہتری ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں