site
stats
پاکستان

قرضہ معاف کرایا اور نہ ہی نادہندہ ہیں، چودھری پرویز الٰہی

لاہور: مسلم لیگ ق کے سینئر رہنما چودھری پرویزالٰہی نے کہا ہے کہ قرضہ معاف کرایا اور نہ ہی نادہندہ ہیں، چیئرمین نجکاری جھوٹے الزام لگا رہے ہیں۔

چودھری پرویزالٰہی کا کہنا تھا کہ نواز اور شہبازشریف نیشنل اور پنجاب بینک سمیت مختلف بینکوں اور مالیاتی اداروں کے نو ارب روپے کے نادہندہ ہیں، جس پر پردہ ڈالنے کیلئے دوسروں پر جھوٹے الزام لگوا رہے ہیں۔

چودھری پرویزالٰہی نے کہا کہ انہوں نے ذاتی طور پر رواں سال تیرہ لاکھ انچاس ہزار روپے ٹیکس ادا کیا ہے۔ انھوں نے کہا کہ نجکاری کمیشن کے چیئرمین محمد زبیرعمر ن لیگ کے سیاسی مخالفین کے خلاف الزام تراشی کر رہے ہیں اور ان کے جھوٹے الزامات کے جواب میں نواز، شہبازشریف کے بارے میں مستند حقائق سامنے آئیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top