قصورمیں فائرنگ،پی ٹی آئی کےمقامی رہنماسمیت 5افرادجاں بحق -
The news is by your side.

Advertisement

قصورمیں فائرنگ،پی ٹی آئی کےمقامی رہنماسمیت 5افرادجاں بحق

قصور میں نامعلوم افراد نے فائرنگ کر کے تحریک انصاف کے مقامی رہنما مسعود احمد بھٹی اوران کے تین محافظوں کو قتل کردیا

قصور میں فیروزپور روڈ پر ٹول پلازہ کے قریب نامعلوم افراد نے اندھا دھند فائرنگ کے تحریک انصاف کے مقامی رہنما مسعود احمد بھٹی کو موت کے گھاٹ اتار دیا، فائرنگ کے نتیجے میں مسعود بھٹی کے تین محافظ شدید زخمی ہو گئے  جو زخموں کی تاب نہ لاتے ہوئے اسپتال میں دم توڑ گئے۔

 مسعود بھٹی گذشتہ عام انتخابات میں پی پی ایک سو چھہتر سے پاکستان تحریک انصاف کے امیدوار تھے۔ واقعے کے بعد پولیس موقع پرپہنچی اور شواہد جمع کرنے شروع کردیئے۔
       
دوسری جانب لاہور میں تحریک انصاف کی سیکرٹری ویمن ونگ نیلم اشرف کے بیٹے نعمان اشرف پراسرار انداز میں ہلاکت ہوئی۔

تفصیلات کے مطابق گولی نعمان اشرف کے سر میں لگی،  واقعے کی اطلاع ملتے ہی نعمان اشرف کے اہل خانہ اسپتال پہنچ گئے اگلے مہینے نعمان اشرف کی شادی ہونے والی تھی۔


سی سی پی او لاہور چوہدری شفیق کہتے ہیں کہ اہل خانہ کی نشان دہی پر تین افراد کو حراست میں لے لیا گیا ہے تاہم بظاہر یہ خودکشی کا واقعہ ہے، مقتول کی گاڑی سے پسٹل اور دیگر اشیا برآمد ہوئی ہیں۔
   

Comments

comments

یہ بھی پڑھیں