قطر : افغانستان میں امن کی بحالی کے لئے افغان حکام اور طالبان کے درمیان مذاکرات قطر میں ہونے کا امکان ہے، افغان حکام آج قطرجائے گا۔
غیرملکی خبرایجنسی نے افغان حکام کے حوالے سے بتایا کہ امن کی بحالی کے لئے بات چیت میں افغانستان، پاکستان، طالبان اور کچھ اداروں کے نمائندوں کے شامل ہونے کا امکان ہے۔
افغان حکام اور طالبان کے درمیان افغانستان کی صورتحال پر غور کے لئے منعقد کی جانے والی علاقائی کانفرنس میں ہوگی تاہم باضابطہ مذاکرات کا امکان بھی موجود ہے۔
طالبان کے ترجمان ذبیح اللہ مجاہد نے قطر میں ہونے والی کانفرنس میں طالبان کے آٹھ رکنی وفد کی شرکت کی تصدیق کی ہے۔
واضح رہے کہ دوہزارتیرہ میں افغانستان میں بحالی امن کے لئے افغان حکومت اورطالبان کے درمیان مصالحت کی کوششوں کا کوئی نتیجہ نہیں نکلا تھا۔ امریکا کے کہنے پر طالبان نے امن مذاکرات کے لئے قطر میں دفتربھی قائم کیا تھا۔