site
stats
پاکستان

قومی اسمبلی، مشترکہ مفادات کونسل کا اجلاس نہ بلانے پراپوزیشن کا واک آؤٹ

اسلام آباد: قومی اسمبلی کا اجلاس اسپیکر ایاز صادق کی زیرِصدارت ہوا، پیپلزپارٹی کے اراکین نے مشترکہ مفادات کونسل کا اجلاس نہ بلانے پر اجلاس سے واک آؤٹ کیا۔

قومی اسمبلی کا اجلاس اسپیکر ایازصادق کی زیرِصدارت شروع ہوا تو پیپلز پارٹی کے اراکین قومی اسمبلی نوید قمر اور نفیسہ شاہ نے توجہ دلاؤ نوٹس میں بتایا کہ گذشتہ نوماہ کے دوران مشترکہ مفادات کو نسل کا اجلاس نہیں بلایا گیا۔

پیپلز پارٹی کی رکن اسمبلی شازیہ مری نے نکتہ اعتراض پر کہا کہ مشترکہ مفادات کونسل کا اجلاس نہ بلا کر آئین کی خلاف ورزی کی گئی ہے۔

وفاقی وزیر برائے بین الصوبائی رابطہ ریاض پیرزادہ نے یقین دہانی کراتے ہوئے کہا کہ کونسل کا سیکریٹریٹ تاحال نہیں بن سکا تاہم اجلاس کل ہر صورت ہوگا۔

اپوزیشن اراکین کا کہنا تھا کہ نوے روز میں مشترکہ مفادات کونسل کا اجلاس بلانا آئینی تقاضا ہے، مقررہ مدت میں کونسل کا اجلاس نہ بلانے پر اپوزیشن نے قومی اسمبلی سے واک آؤٹ کیا۔

گواہوں کے تحفظ کا بل دوہزار پندرہ، دستور کے آرٹیکل بانوے میں ترمیم اور قومی کمیشن بل برائے اقلیتی برادری دو ہزار پندرہ قومی اسمبلی میں پیش کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top