The news is by your side.

Advertisement

قومی امور پر سب کا ایک ہونا اچھی روایت ہے، وزیرِاعظم نوازشریف

اسلام آباد:  وزیرِاعظم نواز شریف کی زیرِ صدارت میں پارلیمانی رہنماؤں کا اجلاس شروع ہوگیا، کانفرنس میں شرکاء کو پاک چین اقتصادی راہداری منصوبے پر بریفنگ دی جائے گی۔

وزیرِاعظم نواز شریف نے کل جماعتی کانفرنس سے خطاب کرتے ہوئے کہا کہ میں سب کو خوش آمدید کہتا ہوں ، قومی معاملات پر اتفاقِ رائے سے چلنا چاہتے ہیں، سیاستدانوں نے ماضی مین غلطیوں سے سبق سیکھا ہے، سیاسی استحکام ہماری سیاست کا مرکزی نکتہ ہونا چایئے۔ حکومت پاک چین اقتصادی راہداری منصوبے کو شفاف بنانا چاہتی ہے۔

وزیرِاعظم نے سانحہ صفورا میں قانون نافذ کرنے والوں کی کارکردگی کو سراہا اور سانحہ صفورا کے ملزمان کی گرفتاری پر وزیرِ اعلی سندھ کو خراجِ تحسین پیش کیا۔ انھوں نے کہا کہ سانحہ صفورا کے ملزمان کو قرار واقعی سزا ملنی چایئے۔

نواز شریف نے کہا کہ روایت بن جانی چاہیئے کہ قومی معلاملات پر سب اکٹھے ہوں۔

وفاقی وزیر منصوبہ بندی و پلاننگ احسن اقبال نے پارلیمانی رہنماؤں کو پاک چین اقتصادی راہداری کے حوالے سے بریفنگ دیتے ہوئے کہا کہ پاک چین اکنامک کوریڈور کے روٹ میں تبدیلی کے حوالے سے بدگمانی پائی جاتی ہے، منصوبے کے روٹ میں کسی قسم کی تبدیلی نہیں کی جا رہی اور روٹ چاروں صوبوں سے گزرتا ہے۔

اس سے قبل 13 مئی کو سیاسی قیادت کو اعتماد میں لینے کے لیے اے پی سی بلائی گئی تھی تاہم سانحہ صفورا کے باعث یہ مکمل نہ ہوسکی۔

Comments

comments

یہ بھی پڑھیں