The news is by your side.

Advertisement

قومی کرکٹ ٹیم آج رات نیوزی لینڈ روانہ ہوگی

لاہور: قومی کرکٹ ٹیم کیویز کے خلاف سیریز اور آئی سی سی ورلڈ کپ میں شرکت کیلئے آج رات نیوزی لینڈ روانہ ہو گی۔ تیاری خوب ہوگئی اب ایکشن کا وقت آگیا۔قومی کرکٹرز بڑے مقابلے کے لئے آج اڑان بھریں گے۔

اسکواڈ رات نو بجے لاہور سے مشن کے لئے نیوزی لینڈ روانہ ہوگا۔ ہیڈ کوچ وقاریونس پہلے ہی آسٹریلیا پہنچ چکے ہیں اور وہ ٹیم کو وہیں جوائن کریں گے۔

ورلڈ کپ سے قبل قومی ٹیم کیویز کےخلاف دو ون ڈے میچز اکتیس جنوری اور تین فروری کو کھیلے گی۔ نیوزی لینڈ کے خلاف دو میچز کی سیریز کھیلنے کے بعدقومی ٹیم چار فروری کو سڈنی منتقل ہو کر ورلڈ کپ کی تیاریاں شروع کردے گی۔

نو فروری کو پاکستان اپنا پہلا وارم اپ میچ بنگلہ دیش اور گیارہ فروری کو انگلینڈ کے خلاف کھیلےگا۔ گرین شرٹس ایونٹ کا باقاعدہ آغاز پندرہ فروری کو روایتی حریف بھارت کے خلاف میچ سے کریں گے۔

حفیظ کا بولنگ ایکشن ٹیسٹ بھی رواں ماہ کے آخر میں ہونے کا امکان ہے۔ تجربہ کار اسپنر سعید اجمل ٹیم کا حصہ نہیں ہیں۔

Print Friendly, PDF & Email

Comments

comments

یہ بھی پڑھیں