The news is by your side.

Advertisement

قوم کوسول نافرمانی پرنہ اکسایا جائے،آصف زرداری

اسلام آباد: عمران خان کا دھرنا سول نا فرمانی کی تحریک میں تبدیل ہونے پرسیاسی قائدین نے خفگی کا اظہار کیا ہے، سابق صدر آصف زرداری کا کہنا ہے کہ  جمہوری نظام پٹری سے نہیں اترنے دیں گے، قوم کو سول نافرمانی پرنہ اکسایا جائے جبکہ الطاف حسین نے نوازشریف کوعمران خان سے رابطےکا مشورہ دے دیا ہے۔

عمران خان کی سول نافرمانی کی کال کو سیاسی قائدین نے پسند نہیں کیا، سابق صدر آصف زرداری کا کہناہے کہ سول نافرمانی کی باتیں جمہوریت، ریاست کیلئے نقصان دہ ہیں۔ آصف زرداری نےکہا کہ سیاسی معاملات کو مذاکرات سےحل کیا جائے، جمہوریت کو پٹری سے نہیں اترنےدیں گے۔

متحدہ قومی موومنٹ کے قائدالطاف حسین نے کہا کہ ملک کی بقا اور سلامتی کا معاملہ ہے، الطاف حسین نے کہا کہ نواز حکومت کا حمایتی نہیں لیکن عمران خان کا بیان قوم کے ساتھ مذاق ہے۔

اے آروائی نیوز سے خصوصی گفتگوکرتے ہوئے ایم کیوایم کے قائد نے کہا کہ عمران خان سول نافرمانی کرنےکے بجائے مذاکرات کا آغاز کریں، الطاف حسین نے کہا کہ حکومت نے مذاکرات میں تاخیر سے کام لیا۔

Print Friendly, PDF & Email

Comments

comments

یہ بھی پڑھیں