The news is by your side.

Advertisement

قیمتوں اور کرایوں میں نمایاں کمی ہوئی، شہبازشریف

لاہور: وزیرِاعلیٰ پنجاب میاں شہباز شریف کا کہنا ہے کہ روز مرہ کے استعمال کی اشیاء کی قیمتوں اورکرایوں میں نمایاں کمی واقع ہوئی ہے۔

تفصیلات کے مطابق آج پیر کے روز شہباز شریف نے لاہور میں پرائز کنٹرول کمیٹی کا اجلاس طلب کیا تھا۔ اجلاس میں جائزہ لیا گیا کہ آیا پیٹرولیم مصنوعات میں کمی کے ثمرات عوام تک منتقل ہوئے یا نہیں۔

ویڈیو لنک کے ذریعے اجلاس سے خطاب کرتے ہوئے وزیراعلیٰ پنجاب نے اس امرپراطمینان کا اظہارکیاکہ حکومت کی جانب سے اٹھائے گئے اقدامات کے فوائد عوام تک پہنچنا شروع ہوگئے ہیں۔

اے آروائی نیوزکے نمائندے کے مطابق صورتحال حکومتی دعوے کے برعکس ہے اورروزمرہ کے استعمال کی اشیاء کی قیمتوں اور کرایوں میں تاحال کمی نہیں آئی ہے۔

اجلاس کے دوران شہباز شریف نے پرائزکنٹرول حکام کو ہدایت کی کہ منافع خوروں اورذخیرہ اندوزوں کے خلاف سخت ترین کاروائی کی جائے۔

گزشتہ روز وزیراعظم میاں محمد نواز شریف نے اسلام آباد کی جی ٹین اور آب پارہ مارکیٹ کا دورہ کیا اور دوکانداروں سے مختلف اشیاء کی قیمتیں دریافت کی تھیں۔

واضح رہے کہ گزشتہ تین ماہ میں عالمی مارکیٹ میں پٹرولیم مصنوعات کی قیمتوں میں ریکارڈ کمی واقع ہوئی ہے جس کے اثرات پاکستان پر بھی مرتب ہوئے ہیں اور حکومت کی جانب سے پٹرول کی قیمتوں میں لگ بھگ 43 روپے کی کمی کی گئی ہے۔

Print Friendly, PDF & Email

Comments

comments

یہ بھی پڑھیں