The news is by your side.

Advertisement

لاہور، پشاورکے امریکی قونصلیٹ عارضی طورپربند

واشنگٹن: امریکی محکمہ خارجہ نے اپنے شہریوں کو پاکستان کا غیر ضروری سفرنہ کرنے کی ہدایت جاری کر دی ہے۔

امریکی محکمہ خارجہ کا کہنا ہے کہ پاکستان میں دہشت گرد گروپ امریکی شہریوں کے لئے خطرہ ہیں، پاکستان میں دہشت گرد ملکی،غیرملکی تنصیبات کو نشانہ بنا رہےہیں اوردہشت گرد پاکستان میں اہم تنصیبات کونشانہ بناچکےہیں۔

امریکی محکمہ خارجہ نے کہا ہے کہ دہشت گرد پاکستان میں اغواء برائے تاوان کی وارداتیں کرتے ہیں۔ لاہور اور پشاور میں امریکی قونصل خانوں کو بھی عارضی طور پر بند کر دیا گیا ہے تاہم اسلام آباد میں امریکی سفارت خانہ اور کراچی میں امریکی قونصل خانہ معمول کے مطابق اپنی خدمات فراہم کرتے رہیں گے۔

امریکی شہریوں کو یہ ہدایات بھی جاری کی گئی ہیں کہ وہ پاکستان میں عوامی اجتماعات میں شرکت سے گریز کریں، امریکی محکمہ خارجہ نے پاکستان کے علاوہ سعودی عرب اورالجزائر کے لیے بھی سفری ہدایات جاری کی ہیں۔

Print Friendly, PDF & Email

Comments

comments

یہ بھی پڑھیں