لاہور:عوامی تحریک کے 72کارکنوں کی ضمانت منظور -
The news is by your side.

Advertisement

لاہور:عوامی تحریک کے 72کارکنوں کی ضمانت منظور

لاہور: انسداد دہشت گردی عدالت نے عوامی تحریک کےگرفتار 72 کارکنوں کو ضمانت پر رہا کرنے کا حکم دے دیا ہے۔

عوامی تحریک کے کارکنوں کی جانب سے دائر درخواست میں موقف اختیار کیا گیا کہ پولیس نےا پنی کارکردگی دکھانے کے لئے بے گناہ لوگوں کو گرفتار کرکے ان کے خلاف ہنگامہ آرائی ، توڑ پھوڑ اور دہشت پھیلانے کا مقدمہ درج کر لیا جبکہ اس حوالے سے پولیس کے پاس کوئی ٹھوس ثبوت و شواہد موجود نہیں، لہذا عدالت گرفتار افراد کو رہا کرنے کا حکم دے ۔

سرکاری وکیل نے دلائل دیئے کہ عوامی تحریک کے کارکنوں نے پولیس اہلکاروں پر حملہ کیا اور توڑ پھوڑ کی، جس پر انھیں گرفتار کیا گیا، لہذا عدالت ضمانت مسترد کرے ۔

عدالت نے وکلا کے دلائل مکمل ہونے کے بعد 72 کارکنوں کو ایک ایک لاکھ مچلکوں کے عوض رہا کرنے کا حکم دے دیا۔

واضح رہے پولیس نے چودہ اگست کو لانگ مارچ کے موقع پر عوامی تحریک کے کارکنوں کو گرفتار کیا تھا۔

Comments

comments

یہ بھی پڑھیں