The news is by your side.

Advertisement

لاہور:منہاج القرآن سیکرٹریٹ کا ممکنہ محاصرہ،پولیس کی بھاری نفری تعینات

لاہور:  منہاج القرآن سیکرٹریٹ کے ممکنہ محاصرے کے لیے برکت مارکیٹ میں پولیس کی بھاری نفری تعینات کردی گئی اور سیکریٹریٹ کو جانے والے تمام راستے بیریئر لگا کر سیل کر دیئے گئے۔

ماڈل ٹاؤن لاہور میں منہاج القرآن سیکرٹریٹ اور پاکستان عوامی تحریک کے سربراہ ڈاکٹر طاہر القادری کی رہائش گاہ کے ممکنہ محاصرےکے پیش نظر برکت مارکیٹ میں پولیس کی بھاری نفری تعیانت کردی گئی ہے، منہاج القران سیکریٹریٹ کے اطراف تمام راستے خاردارتاریں بچھاکر اور بیریئر لگا کرسیل کردیئے گئے۔

پولیس کا کہنا ہے کہ انہیں اعلیٰ حکام کی جانب سے بیریئر کو عبور کرنے والوں کےخلاف سخت کارروائی اور گولی مارنے کا حکم دیا گیا ہے، منہاج القرآن سیکریٹریٹ کے ممکنہ محاصرے کے پیش نظر پاکستان عوامی تحریک کے ڈنڈا بردار کارکنوں کی بڑی تعداد سیکریٹریٹ میں جمع ہوگئی۔

کارکنوں نے انتظامیہ کے خلاف شدید نعرے بازی کی، پاکستان عوامی تحریک کے ترجمان قاضی فیض الاسلام کا کہنا ہے کہ حکومت اوچھے ہتھکنڈوں پر اتر آئی ہے، گرفتاریوں اور ہتھکنڈوں سے انقلاب کا راستہ نہیں روکا جاسکتا۔

Print Friendly, PDF & Email

Comments

comments

یہ بھی پڑھیں