لاہور:میاں منظوروٹو اوراشرف سوہنا کے حامیوں کی نعرے بازی -
The news is by your side.

Advertisement

لاہور:میاں منظوروٹو اوراشرف سوہنا کے حامیوں کی نعرے بازی

لاہور: میاں منظور وٹو اوراشرف سوہنا کے حامیوں نے وہ نعرے لگائے کہ زمین ہل گئی، لاہور میں سابق صدرآصف علی زردای کی زیر صدارت پیپلز پارٹی پنجاب کی ڈویژنل تنظیموں کا اجلاس جاری تھا کہ منظور حسین وٹو اور اشرف خان سوہنا کے کارکنوں کے درمیان نعرے بازی شروع ہو گئی ۔

ایک جانب سے گو وٹو گو کے نعرے تھے تو دوسری جانب گو سوہنا گو کے نعروں سے ہال گونجنے لگا، جس پر آصف علی زرداری نے مداخلت کرتے ہوئےمعاملے کو رفع دفع کرایا لیکن اجلاس کے بعد باہر آتے ہی دونوں گروپ ایک بار پھر نعرے بازی کرنے لگے ۔

اس موقع پر میاں منظو روٹو کے حامیوں کا کہنا تھا کہ اشرف سوہنا نے ایک بار منظور وٹو کے خلاف نازیبا زبان استعمال کی تھی، اس موقع پر اشرف سوہنا کے حامی بھی میاں منظوروٹو کے خلاف نعرے لگاتے رہے ۔

پیپلزپارٹی پنجاب کے صدر میاں منظور وٹو کا کہنا تھا کہ انہیں نعروں کی پروا نہیں یہ پیپلز پارٹی کا کلچر ہے اگر نعرے نہ لگیں تو یہ پیپلز پارٹی نہیں رہے گی بلکہ مسلم لیگ بن جائے گی۔

Comments

comments

یہ بھی پڑھیں