لاہور:پاکستان عوامی تحریک کےکارکنوں کی بازیابی کیلئے بیلف مقرر -
The news is by your side.

Advertisement

لاہور:پاکستان عوامی تحریک کےکارکنوں کی بازیابی کیلئے بیلف مقرر

لاہور کی عدالت نے پاکستان عوامی تحریک کے کارکنوں کی بازیابی کے لئے بیلف مقرر کر دیا ہے، گوجرہ پولیس نے درجنوں کارکنوں پردہشت گردی کا پرچہ کاٹ دیا۔

پاکستان عوامی تحریک کے کارکنوں کوحبس بے جا میں رکھنے کے خلاف لاہورکی عدالت میں درخواست دائر کی، عدالت نے دلائل سننے کے بعد تمام کارکنوں کو بازیاب کرانے کیلئے بیلف مقرر کر دیا۔

درخواست میں موقف اختیار کیا گیا تھا کہ پاکستان عوامی تحریک کے کارکنوں کو ماڈل ٹاؤن میں کنٹینرز لگا کر محبوس کر دیا گیا ہے، کسی بھی شخص کو باہر جانے دیا جا رہا ہے نہ ان سے ملنے دیا جا رہا ہے، شہریوں کو حبس بے جا میں رکھنا قانون کی خلاف ورزی ہے۔

اُدھر قائد آباد شہرمیں پاکستان عوامی تحریک کے عہدیداروں سمیت پانچ سو نامعلوم افراد کے خلاف انسداد دہشت گردی ایکٹ کے تحت مقدمہ درج کرلیا گیا، اسی طرح گوجرہ میں پولیس نے پاکستان عوامی تحریک کے چالیس سے زائد کارکنوں کیخلاف بھی دہشتگردی کا پرچہ کاٹا گیا گزشتہ روز پولیس نے گرفتاریوں کیلئے چھاپے مارے تھے اس دوران کارکنوں کی جانب سے مزاحمت کی گئی تھی۔

Comments

comments

یہ بھی پڑھیں