site
stats
اہم ترین

یوحناآباد سانحہ :زندہ جلائے گئے 2افراد کا مقدمہ دہشتگردی کے تحت درج کیا جائے

لاہور: مقامی عدالت نے یوحنا آباد میں زندہ جلائے گئے دو افراد کے قتل کا مقدمہ دہشت گردی کی دفعات کے تحت درج کرنے کی درخواست پر نوٹس جاری کردیئے ہیں۔

درخواست گزار نے مؤقف اختیار کیا ہے کہ یوحنا آباد میں دوافراد کو زندہ جلانا دہشت گردی ہے، مقتولین کو پولیس کے سامنے جلایا گیا، جس سے پولیس کی غفلت سامنے آگئی۔

درخواست گزار نے بتایا کہ فوٹیج اور تصاویر سے باآسانی ذمہ داروں کی شناخت ہوسکتی ہے لیکن ابھی تک کوئی گرفتاری عمل میں نہیں آئی۔

درخوست گزار نے استدعا کی کہ عدالت ملوث افراد کیخلاف دہشتگردی کی دفعات کے تحت مقدمہ درج اور کیس کو فوجی عدالت بھجوانے کا حکم دے۔

عدالت نے ابتدائی سماعت کے بعد پولیس سے دو اپریل کو جواب طلب کرلیا ہے

واضح رہے کہ لاہور یوحنا آباد میں دو چرچز پر حملہ میں 21افراد لقمہ اجل بنے اور مسیحی عبادت گاہوں پر حملے کے بعد  مشتعل افراد نے بے قصور‘ معصوم اور انتہائی غریب 2 افراد کو بےگناہ ہونے کے باوجود زندہ جلادیا تھا، جن کی شناخت محمد نعیم اور بابر نعمان کے نام سے ہوئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top