لاہور: محکمہ جنگلات عید کے موقع پر لاہور کےچڑیا گھر سے سفاری پارک رائے ونڈ تک فری شٹل سروس فراہم کرے گا۔
ڈی جی وائلڈ لائف خالد ایاز کا کہنا ہے کہ چڑیا گھر سے سفاری پارک تک فری شٹل سروس شہریوں کے لیے محکمہ جنگلات کی جانب سے عید کاتحفہ ہے مفت شٹل سروس صرف بچوں اور فیملیز کے لیے ہوگی تاکہ عید کے دنوں میں انھیں اچھی تفریح فراہم کی جاسکے۔
خالد ایاز کا کہنا ہے کہ محکمہ جنگلات کی شٹل سروس عید کے تینوں روز دونوں چڑیا گھروں کے درمیان چلے گی اور اس کا باقاعدہ اعلان کل محکمہ جنگلات کی پریس کانفرنس کے دوران کیا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں