لاہور میں گیس ہیٹر سے آتشزدگی کے باعث دو بہنیں بری طرح جھلس گئیں۔
لاہور کے علاقے گلشن راوی میں دو بہنیں سردی سے بچنے کے لئے کمرے میں ہیٹر جلا کر بیٹھی تھیں کہ اچانک کمبل ہیٹر پر گر گیا، جس کی وجہ سے آگ بھڑک اٹھی۔
بھڑکنے والی آگ کی شدت اس قدر تھی کہ دونوں بہنوں کا بچنے کا موقع نہیں مل سکا، فضا اور مصباح نامی دونوں بہنیں بری طرح جھلس گئیں، دونوں بہنوں کو فوری طور پر میو اسپتال منتقل کر دیا گیا، ڈاکٹرز کے مطابق ایک بہن اسی فیصد جبکہ دوسری ستر سے پچھتر فیصد جھلسی ہیں۔
