لاہورہائیکورٹ نے طاہرالقادری کی گرفتاری کی درخواست مسترد کردی -
The news is by your side.

Advertisement

لاہورہائیکورٹ نے طاہرالقادری کی گرفتاری کی درخواست مسترد کردی

لاہور: لاہورہائیکورٹ نے ڈاکٹر طاہرالقادری کی گرفتاری کیلئے دائر درخواست مسترد کردی، عدالت نے تحریک انصاف کےکارکنوں کی گرفتاریوں پر آئی جی پنجاب سے ایک بجے تک جواب بھی طلب کرلیا ہے۔

لانگ مارچ رکوانے اور عوامی تحریک پر پابندی کے لئے دائر درخواستوں کی سماعت لاہورہائی کورٹ میں ہوئی، عدالت نے فریقین کو سُننے کے بعد ڈاکٹر طاہرالقادری کی گرفتاری کیلئے دائر درخواست مسترد کردی، ہائی کورٹ نے درخواست گزار کو آئی جی پنجاب سے رجوع کرنے کی ہدایت کی۔

درخواست گزار کا موقف تھا کہ اس کی مدعیت میں تھانہ داتا دربار میں مقدمہ درج کیا گیا، پولیس ڈاکٹر طاہرالقادری کو گرفتار نہیں کر رہی، فاضل عدالت نے ریمارکس میں کہا کہ مقدمہ درج ہونے کے بعد گرفتاری پولیس کا کام ہے جبکہ عدالتی بینچ نے ڈاکٹر طاہر القادری کی تقاریر اور عمران خان کے انٹرویو کا ریکارڈ طلب کرلیا۔

اسی طرح تحریک انصاف کے کارکنوں کی گرفتاریوں کے خلاف درخواست پر آئی جی پنجاب سے جواب طلب کر لیا ہے، عدالت کا کہنا تھا کہ  معاملہ انتہائی حساس ہے، فوری حکم جاری نہیں کر سکتے، پرامن احتجاج ہر شہری کا بنیادی حق ہے اور اسے محروم نہیں کیا جا سکتا، معاملہ افہام و تفہیم سے حل کرنے کی کوشش کرنی چاہیئے، عدالت نے کہا کہ پہلے ہی حالات خراب ہیں، مزید خرابی سے بچایا جائے۔

Comments

comments

یہ بھی پڑھیں