site
stats
پنجاب

لاہور:ینگ ڈاکٹرز کا دوسرے روز بھی احتجاج جاری،نعرے بازی

لاہور کے پنجاب انسٹی ٹیوٹ آف کارڈیالوجی میں ینگ ڈاکٹرز نے سروس اسٹرکچر کیلئے دوسرے روز بھی احتجاج جاری رکھا اور ریلی بھی نکالی۔ ینگ ڈاکٹرز سروس اسٹرکچر کے حصول کیلئے ایک بار پھر متحرک ہو گئے ہیں۔

پنجاب انسٹی ٹیوٹ آف کارڈیالوجی میں دوسرے دن بھی احتجاج کیا گیا۔ ینگ ڈاکٹرز نے آؤٹ ڈور سے جیل روڈ تک ریلی نکالی۔ مظاہرین حکومت کیخلاف نعرے بازی کرتے رہے۔ ینگ ڈاکٹرز کا کہنا تھا کہ سروس اسٹرکچر دینے کے حوالے سے حکومت کے وعدے کو ایک سال گذر گیا ہے اور ابھی تک سروس اسٹرکچر پر عمل درآمد نہیں کیا گیا۔

انہوں نے کہا کہ احتجاج کا مقصد حکومت کو اپنا وعدہ یاد دلانا ہے، ان کا یہ بھی کہنا تھا کہ سروس اسٹرکچر ڈاکٹرز اور مریضوں کی بھلائی میں ہے۔ اس موقعے پر ینگ ڈاکٹرز نے اعلان کیا کہ پنجاب بھر میں احتجاج جاری رہے گا، 6 جنوری کو میو ہسپتال لاہور میں احتجاج جاری کریں گے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top