site
stats
پاکستان

لاہور: بے گناہوں کو زندہ جلانے والے ملزمان کی شناخت کا عمل جاری

لاہور: سانحہ یوحنا آبا د کے دوران دو افراد کو زندہ جلانے والے سولہ افراد کی شناخت  کا عمل آخری مرحلے میں داخل ہو گیا ہے،تفصیلات کے مطابق سانحہ یوحنا آباد کے موقع پر مشتعل افراد نے دہشت گردی کے شبے میں دو افراد کو زندہ جلا دیا تھا،جو بے گناہ تھے۔

تفصیلات کے مطابق دونوں مقتولین کی شناخت بعد ازاں محمد نعیم اوربابر نعمان کے ناموں سے ہوئی تھی، محمد نعیم مقامی دکاندارجبکہ بابرنعمان فیکٹری ملازم تھا۔

دونوں افراد کو زندہ جلانے والوں میں سے  چھ افراد سابقہ ریکارڈ یافتہ ملزمان ہیں ، پولیس نے 16افراد کی تصاویر میڈیا سے حاصل کی ہیں۔

پولیس کی جانب سے نادرا کو ان تصاویر کے حوالے سے ریکارڈ فراہم کرنے کی باقاعدہ درخواست کردی گئی ہے۔واضح رہے کہ دونوں مقتولین کے اہل خانہ نے انصاف کے حصول کیلئے مقامی تھا نے میں درخواست دے رکھی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top