The news is by your side.

Advertisement

لاہور : تمام داخلی راستوں میں سخت سیکورٹی اور ناکہ بندی

لاہور : آزادی اور انقلاب مارچ کے سبب لاہور میں تمام داخلی راستوں میں سخت سیکورٹی کے انتظامات اور ناکہ بندی نے شہریوں کی مشکلات میں اضاٖفہ کر دیا ہے، منہاج القران کے مرکز کے باہر ڈنڈا بردا پولیس کا گشت ہے اور لوگوں کے داخلے پر پابندی ہے۔

انقلاب اور آزادی مارچ کا اعلان حکومت کو پریشان کرگیا، لاھور میں منہاج القران کے کارکنان کی دوسرے شہروں سے آمد کو روکنے کے لئے پنجاب حکومت طرح طرح کے حربے اپنا رہی ہے، انقلاب مارچ کی تیاری حکومت کو بھاری پڑ رہی ہے، رکاوٹیں ڈالنے کے لئے ستر سے زائد کنٹینرز منگوائے جا چکے ہیں۔

منہاج القران سیکٹریٹ جانے والے راستوں کو سیل کیا جارہا ہے ،جسکے لئے خاردار تاروں کا استعمال بھی کیا گیا ہے، پولیس کی اضافی نفری کے ساتھ خواتین پولیس بھی طلب کر لی گئی ہے۔

منہاج القران کے مرکز کے اطراف راستوں کو پولیس نے گھیرے میں لے رکھا ہے اور ڈنڈا بردار پولیس علاقے کا گشت کر رہی ہے، ہوٹل اور دکانیں بند ہیں، علاقہ مکینوں کو شدید مشکلات کا سامنا کرنا پڑ رہا ہے۔

Print Friendly, PDF & Email

Comments

comments

یہ بھی پڑھیں